ما بدي قلك شو بني (من اشعار الشاعرة المبدعة سهام شعشاع)

ما بدي قلك شو بني
شو اللي جرالي بهالدنى
بدي معك...أبدا العمر
أول سطر بالولدنة

ولا بدي أحكي شو حصل
شو اللي كسر فيي الأمل
واللي قلب ضحكي زعل
غربني ياما وردني
ما بدي قلك شو بني



خدني معك...خدني بايدك عالفرح
خدني معك...عمطرح الما في جرح
خدني معك....باب القلب لما انفتح
خلاني حدك انحني

خدني معك...كل اللي من قبلك مضى
خدني معك...وهم ومراحل حزن انقضى
خدني معك...بدي معك عيش برضى
خدني على العمر الهني
ما بدي قلك شو بني



أنت ومعي...بحبك أنا قد المدى
أنت ومعي...ما بدي من بعدك حدا
أنت ومعي...قلبي اللي عالحب اهتدى
عايش معك أحلى دنى

أنت ومعي...بشعر أنا بشمس الدفا
أنت ومعي...خوفي اللي ملازمني اختفى
أنت ومعي...ايدك عطف قلبك وفا
جدلك ورود مزينة
ما بدي قلك شو بني
شو اللي جرالي بهالدنى
بدي معك أبدا العمر أول سطر بالولدنة

ولا بدي أحكي شو حصل
شو اللي كسر فيي الأمل
واللي قلب ضحكي زعل
غربني ياما وردني
ما بدي قلك شو بني